Avropa Liqası öncəsi “Bakı”dan Elvin Məmmədovu heyətinə qatan “İnter” bu gedişlə yarımmüdafiəçi ilə yollarını ayıracaq.
İdmanxeber.com-un əldə etdiyi məlumata görə, Bank klubunun baş məşqçisi Kaxaber Sxadadze Moldova “Tiraspol”u ilə səfər matçında zədələnən və həmin zədədən sonra hələ də özünə gələ bilməyən Elvin Məmmədovu komandadan göndərmək niyyətindədi. Gürcüstanlı mütəxəssis məhz buna görə də Məmmədovun mövqeyinə oyunçu axtarışındadı. Hollandiyalı Yussuf Fenicin transferi də məhz buna görə atılmış addımdı.