Türkiyə Super Liqasının 30-cu turunda keçirilən “Kayserispor” – “Alanyaspor” matçından sonra faciəvi hadisə baş verib.
Matçdan sonra qonaq komandanın 7 əcnəbi futbolçusunu aparan mikroavtobus qəzaya uğrayıb. Hadisəyə səbəb sürücünün yolda yuxulaması olub. Qəza nəticəsində “Alanyaspor”un hücumçusu Jozef Şural dünyasını dəyişib. Çexiya millisinin üzvü xəstəxanaya aparılsa da, həyatını xilas etmək mümkün olmayıb. Digər 6 futbolçu isə yüngül yaralanıb.
28 yaşlı hücumçu bu ilin yanvarında Praqa “Sparta”sından Alanya təmsilçisinə keçmişdi.