AFFA İcraiyyə Komitəsinin 2020-ci il iyunun 18-də keçirilmiş iclasında qərar qəbul olunub ki, Azərbaycan Premyer Liqası və ölkə kuboku uğrunda yarış dayandırılsın, mövsümün qalibi və UEFA-nın klub yarışlarında iştirak edəcək komandalar hazırkı turnir cədvəlinə uyğun olaraq müəyyənləşdirilsin.
İdmanxeber.az saytının məlumatına görə, bu qərar AFFA tərəfindən UEFA-ya göndərilib və aşağıda göstərilmiş klubların UEFA-nın müvafiq klub yarışlarında iştirakı ilə bağlı ilkin təsdiq cavabı AFFA-ya daxil olub:
“Qarabağ” – UEFA Çempionlar Liqası
“Neftçi” – UEFA Avropa Liqası
“Keşlə” – UEFA Avropa Liqası
“Sumqayıt” – UEFA Avropa Liqası
Qeyd olunmuş klubların UEFA-nın klub turnirlərində iştirakı ilə bağlı yekun təsdiq qərarı klubların müvafiq sifariş ərizələri UEFA-ya göndərildikdən sonra qəbul olunacaq (affa.az).