Monteneqro – Azərbaycan matçının hakim-inspektoru dəyişdirilib.
İdmanxeber.az-ın məlumatına görə, sabah C liqasında keçiriləcək görüşdə bu vəzifəni avstriyalı Stefan Messner yerinə yetirəcək.
Daha öncə UEFA oyuna hakim-inspektor kimi erməni əsilli, fransalı Paskal Qaribyanı təyin etmişdi. Lakin Azərbaycan və Ermənistan arasında Dağlıq Qarabağda baş verənlərə görə o, Stefanla əvəzlənib.
Bundan əvvəl Lüksemburq – Kipr matçına təyinat alan Messnerlə Monteneqro – Azərbaycan görüşündə iştirak etməli olan Qaribyanın yerləri dəyişdirib.
Qeyd edək ki, sabah Podqoritsadakı “Qradski” stadionunda keçiriləcək oyun Bakı vaxtı ilə saat 17:00-da başlanacaq.