Azərbaycan UEFA reytinqində 2022/2023 mövsümü üçün xal ehtiyatını yenidən artırıb.
İdmanxeber.az-ın məlumatına görə, buna səbəb “Qarabağ”ın “Viktoriya” (Plzen) klubu ilə qolsuz heç-heçə etməsi olub. Bu nəticə Azərbaycanın aktivinə 0,125 xal gətirib. Xallarının sayını 14,625-ə çatdıran Azərbaycan 29-cu pillədə qalıb.
Çexiya isə bu nəticədən sonra xallarının sayını 24,550-yə çatdırıb və 16-cı sıraya yüksəlib.
“Viktoriya” və “Qarabağ” arasında oynanılacaq cavab matçı avqustun 23-də Plzendəki “Dusan Arena”da keçiriləcək.