“Bavariya”nın yarımmüdafiəçisi Arturo Vidal “Çelsi”nin marağına baxmayaraq “Bavariya”dan getmək fikrində deyil.
İdmanxeber.com-un məlumatına görə, o, bu barədə verdiyi açıqlamada yayılan məlumatların şayiə olduğunu bildirib:
“Bunlar şayiədir. Doğrudur mən 4 il Kontenin rəhbərliyi altında “Yuventus”da oynamışam. Buna baxmayaraq, “Bavariya”dan getməyimə heç bir səbəb yoxdur. Bu klubun formasını qürurla daşıyıram.
Həm mən, həm də həyat yoldaşım Münxendə xoşbəxtik. “Bavariya”da böyük məqsədlərim var”, – deyə Vidal qeyd edib.
Qeyd edək ki, bir müddət yayılan məlumata görə “Çelsi” Vidala görə 56 milyon funt sterlinq ödəməyə hazırdır.