“Vorskla” klubunun əsas futbolçusu Aleksandr Kobaxidze çiynindən əməliyyat oluna bilər.
Ukrayna mətbuatının yaydığı xəbərə görə, “Vorskla” klubunun oyunçusu Aleksandr Kobaxidze çiynindən əməliyyat oluna bilər. Gürcüstanlı yarımmüdafiəçi özü bu barədə açıqlama verərək bildirib ki, əməliyyat olunacağı təqdirdə böyük ehtimal ilin sonunadək meydanlaradan uzaq qalacaq. Bu isə o deməkdir ki, 30 yaşlı futbolçu “Qarabağ”a qarşı keçirəcəyi hər iki matçı buraxa bilər.
Qeyd edək ki, “Qarabağ” və “Vorskla” arasındakı ilk oyun oktyabrın 25-də Bakı Olimpiya Stadionunda, cavab görüşü noyabrın 8-də Poltavada olacaq