“Xəzər Lənkəran”ın sabiq qapıçısı Aleksandr Martyoşkin Rusiya mətbuatına müsahibə verib. Futbolçu karyerası ilə bağlı xatirələrini danışan belaruslu veteran qolkiper Azərbaycanda keçirdiyi illəri də yada salıb:
“Xəzər Lənkəran”ın məşqinə minlərlə azarkeş gəlirdi. Orada möhtəşəm futbol ab-havası olurdu. “2004-2005 mövsümündə “Xəzər Lənkəran” “Neftçi” ilə “Qızıl oyun”da qarşılaşmağa haqq qazandı. Bu, Azərbaycan futbolunun ən böyük oyunu idi. Biz 1:2 hesabı ilə uduzduq. Bizim üçün olduqca üzücü an idi. Çünki həmin vaxt əla heyətimiz var idi”.