Xəbər verdiyimiz kimi "Xəzər Lənkəran" – "Neftçi" matçından sonra tutulan azarkeşlər bir müddətdir həbsdədi.
Artıq fanatlarla bağlı yekun qərar qəbul olunub. Azarkeşlərin üçünə 3 illik həbs cəzası verilib. Bunların içərisində "Xəzər Lənkəran"ın ən aktiv azarkeşlərindən olan Eliko da var. "Neftçi" fanatı Zaur Ərəbov isə azadlığa buraxılıb.
Məsələni klubdan dəqiqləşdirməyə çalışsaq da, onlar da məlumatsız olduqlarını bildirdilər.
Klubun mətbuat xidmətinin rəhbəri Hüseyn Cəbrayıloğlu idmanxeber.com-a açıqlamasında bunu ilk dəfə bizdən eşitdiyini dedi:
"Bizə məhkəmənin 15-i olacağını deyiblər. Buna görə də, məlumatımız yoxdu. Bu barədə bu gün sizə tam nəsə deyə bilərəm".