“Xəzər Lənkəran” “Bakı”nın forvardı Rauf Əliyevin transferində maraqlıdır.
İdmanxeber.com-a klubun mətbuat xidmətinin rəhbəri Hüseyn Cəbrayıloğlunun verdiyi məlumata görə, Əliyev hazırda da Lənkəran təmsilçisinin transfer siyahısında yer alır:.
Millimizin də şərəfini qoruyan Raufun Lənkərana gəlməsi üçün sadəcə bir əmma var, o da klubu ilə olan müqaviləsi:
“Rauf Əliyev bizim maraq dairəmizdə olan futbolçudu. Sadəcə onun klubla müqaviləsi var. Əgər Rauf komandası ilə danışıb razılığa gələ bilsə, o zaman biz onun transferini reallaşdıra bilərik”.
Qeyd edək ki, Cənub klubu bütün məsələlərdə Əliyevlə ortaq məxrəcə gələ bilib. Qalır hücumçunun “Bakı” rəhbərliyini dilə tutması.