“Xəzər Lənkəran”ın müdafiəçisi İlyas Səfərzadə AZAL-la matçdan sonra idmanxeber.com-a müsahibə verib:
– Oyunla bağlı nə deyərdin?
– Nə deyim? Heç bir şey.
– Hesabı açdıqdan sonra sanki oyununuz alınmadı. Səbəb nə idi?
– Bizdə və istək var idi, nə də inam…
– Halbuki qol vurandan sonra inam daha artmalı idi. Düzdü?
– Artmalı idi, ancaq alınmadı.
– Nəitcə və oyun demək olar yoxdu. Bu oyunla gələcəyə nə ümid var?
– Əlbəttə çoxdu. Ümid çoxdu. Yaxşı olacaq.
– Yaxşı nə edə bilərsiz bu oyunla?
– AZAL-a qarşı komanda şəklində oynaya bilmədik. Gənc oyunçularıq, təcrübəmiz azdı. Oyundan-oyuna düzələcək məncə.
– Yayda komandaya yenidən legionerlər cəlb olunacaq və bu oyunlarda özünü yaxşı tərəfdən göstərən gənclər qarşıdakı mövsüm üçün əsas komandada olacaq. Sən özünü bu komandada görürsən?
– Onu zaman göstərəcək. İnşallah özümüzü göstərərik ki, əsas komandaya düşək.
– Kubokdan kənarlaşdız, çempionatda da uğurlu çıxış etmirsiz. Azarkeşlərin sizə münasibəti necədi?
– Azarkeşlərimiz bizə inanır. Ancaq biz də inamı doğrultmalıyıq.
– Çoxları səni əsas millidə görmək istəyir. Sən necə,özünü əsas milliyə hazır görürsən? Robert Prosineçkinin səninlə maraqlandığını eşitməmisən?
– Milliyə düşmək üçün üzərimdə çox işləyəcəm. Əlbəttə mən də millidə oynamaq istəyirəm. Ancaq milli haqda söhbət yoxdu hələ.
– Deyə bilərik ki, İlyas Səfərzadə “Xəzər Lənkəran”da güclülərdəndi?
– Xeyr. Yaxşı oyunçularımız da var.