Bu gün İntizam Komitəsinin (İK) növbəti iclası keçirilib.
PFL rəsmi saytına istindən verdiyimiz məlumata görə, İK Əvəzedicilərin çempionatının son turunda baş verənlərlə bağlı müvafiq qərarlar çıxarıb.
Əvəzedici heyətlərin IX turunun “Rəvan” – “Xəzər Lənkəran” matçında “Rəvan” klubunun 4, “Xəzər Lənkəran” klubunun 5 futbolçusu sarı vərəqə cəzalandığı üçün klublar 500 manat cərimə olunur (maddə 40).
Oyunun 60-cı dəqiqəsində “Xəzər Lənkəran” klubunun məşqçisi Məhərrəm Bağırzadə hakimləri təhqir etdiyi üçün 5 oyunluq cəzalanır, klub 2500 manat cərimə olunur (maddə 42.4).
Əvəzedici heyətlərinin IX turunun “Qəbələ” – “Neftçi” matçının 77-ci dəqiqəsində “Qəbələ” klubunun azarkeşləri tərəfindən meydançaya kənar əşya atıldığı üçün klub 1000 manat cərimə olunur (maddə 52).
Əvəzedici heyətlərinin IX turunun “Qarabağ” – “Bakı” matçının 85-ci dəqiqəsində “Qarabağ” klubunun 17 №-li futbolçusu Təmkin Xəlilzadə hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 manat cərimə olunur (maddə 42.4).
Oyunun 88-ci dəqiqəsində “Bakı” klubunun 18 №-li futbolçusu Ülvi Süleymanov idmançıya yaraşmayan hərəkətə görə ikinci sarı vərqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).