Azərbaycan kubokunda mübarizəni dayandıran “Xəzər Lənkəran” ara vermədən məşqlərini davam etdirir.
İdmanxeber.com-un klubun saytına istinadən yaydığı xəbərə görə, Lənkərandakı bazasında gündə bir dəfə olmaqla hazırlıq keçən komanda bu gün məşqini tamamlayıb sabah Bakıya yola düşəcək.
Hazırda təkcə qapıçı Vyakeslav Tomiç zədədən əziyyət çəkir ki, qolkiperin müaliçəsi paytaxtda aparılır. Onun növbəti matçda komandaya kömək etmə ehtimalı həkimlər tərəfindən yüksək qiymətləndirilir.
Premyer Liqanın XXVI turu çərçivəsində səfərdə AZAL-ın qonağı olacaq “Xəzər Lənkəran” oyunöncəsi son məşqini də Şüvəlanda, qarşılaşmanın baş tutacağı “AZAL Arena”da keçirəcək.