“Qarabağ”ın baş məşqçisi Qurban Qurbanov Azərbaycan millisinin və Ukraynanın “Minay” klubunun futbolçusu Rüstəm Əhmədzadənin transferi ilə bağlı danışıb.
İdmanxeber.az-ın məlumatına görə, o, bildirib ki, 21 yaşlı hücumçunun böyük potenasialı var: “Onun oyununu həm yığmada, həm də klubunda izləmişəm. Ancaq Əhmədzadəni komandaya götürməklə bütün işimiz düzəlmir. Belə potensiallı uşaqların bacarığını üzə çıxarmağı çox istərdim. Açığı, hələ rəsmi müqavilə imzalanmayıb. Klubu ilə razılıq əldə olunub. Özü ilə danışıqlar davam edir. Hər şey qaydasında olduğu halda bir neçə günə rəsmiləşə bilər. Hər şey özündən asılı olacaq. Komandaya qoşulduqdan sonra onu daha yaxından tanıyacağam”.
Q.Qurbanov qışda başqa transferlərin də olacağını bildirib: “Yeni transferlər gözlənilir. Qış fasiləsi ən çətin dönəmdir. Ötən yaydan danışıqlar apardığımız oyunçular var”