“Müqavilə imzaladım, ilk oyunuma da çıxdım. Yenidən futboldan zövq almaq istəyirəm. Klub haqqında öncədən məlumatımlı idim. Məsələn, Abdullah Zubiri qeyd edə bilərəm. Hamı “Qarabağ” barədə yalnız xoş sözlər danışır”.
İdmanxeber.az-ın məlumatına görə, bu sözləri “Qarabağ”ın yeni transferi Adama Diakabi Polşa “Rakuv”una 0:3 hesabı ilə məğlub olduqları yoxlama oyunundan sonra deyib.
Təxminən 1 il əvvəl Bakıya gəldiyini xatırladan 27 yaşlı forvard həmin vaxt “Qarabağ”ın bazası və şəhər ilə tanış olub: “Komandanın bir çox oyunlarını izlədim. “Marsel” və “Olimpiakos”la olan matçlarına baxdım. Təəssüratlarım yaxşıdır”.
O, əvvəlki formasını mümkün qədər tez bərpa etməyə çalışdığını vurğulayıb: “Məşqçilər heyəti ilə hər gün işləyirik. Addım-addım irəliləyirik”.
Qeyd edək ki, Adama Diakabi ilə 2025-ci il iyunun 30-dək müqavilə imzalanıb.