Kateqoriyasız

“Yunan bayrağı APOEL-in rəmzidi” – “Qarabağ”la oyun öncəsi Kipr klubunda gərginlik

APOEL klubunun ictimaiyyətlə əlaqələr şöbəsinin rəhbəri Nektarios Petevinos Avropa Liqasının qrup mərhələsinin 4-cü turunda “Qarabağ”ı qəbul edəcəkləri oyundan öncə açıqlama verib.

İdmanxeber.az-ın məlumatına göröə, Nikosiya təmsilçisinin rəsmisi azarkeş marağının az olmasından gileylənib:

“APOEL-in azarkeşləri oyunun mahiyyətini anlamalıdı. Qalib gəlmək heç bir şeyi həll etmir, amma bizi həyatda saxlayacaq. İlk dəqiqədən sona qədər dəstəyə ehtiyacımız var. Satılan biletlər 600-ü keçməyə az qalıb. 8800 bilet satışa çıxarmışıq. Çətin vəziyyətlə üz-üzəyik. 1/6 finala yüksəlmək üçün vacib xarakter daşıyan oyundan bəhs edirik. Ancaq azarkeşlər buna maraq göstərmirsə, bu, məntiqsizlik deməkdi. Belə bir oyuna maraq göstərməyən APOEL azarkeşi ola bilməz. Düzdü, bizim sadiq azarkeşlərimiz, Avropada fanatlarımız var. İndi bizim dəstəyə ehtiyacımız var, amma görünür, yuxudan ayılmayıblar.

Bizim oyunla bağlı xüsusi planımız var, amma bu, azərbaycanlılara cavab deyil. Vermək istədiyimiz mesaj APOEL-in ideal komanda olduğunu göstərməkdi. Yunan bayrağı APOEL-in rəmzidi. Bayraq ideyasının Bakıdakı oyuna aidiyyatı yoxdu. Bunu daha əvvəllər də etmişdik”.

APOEL – “Qarabağ” oyunu noyabrın 7-si Bakı vaxtı ilə 21:55-də GSP stadionunda baş tutacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

Cavid Hüseynov üçün “Sabah” və “Zirə” variantı

admin

AVRO-2020-nin təqvimi

admin

TV AFİŞA: Hansı oyun, hansı kanalda?

admin