25 Fevral 2021
Kateqoriyasız

“Zəif olduğumuz düşüncəsini yox etməyə çalışmalıyıq” – De Byazi

Azərbaycan milli komandasının baş məşqçisi Canni De Byazi İtaliya mətbuatına müsahibə verib.

Byazi, Azərbaycan milli komandasındakı işindən də danışıb:

“Azərbaycanda yaxşı iş planlaşdırmaq üçün möhtəşəm strukturlar var. Aşağı yaş qruplarında böyüməli, uşaqların texniki və taktiki inkişafını hədəfləyən proqramlar təşkil etməliyik”.

De Byazi müsahibəsində ilk dəfə 2014-cü ildə AFFA-dan təklif aldığını bildirib:

“Düzgün xatırlayıramsa, 2014-cü ildə Azərbaycan Futbol Federasiyasının nümayəndələri ilə görüşdüm. Sonra 2020-ci ilin ilk aylarında və iyulunda AFFA-nın baş katibi Elxan Məmmədov menecerimlə əlaqə saxladı”.

Byazi, İtaliya futbolunun Azərbaycanda populyar olduğunu, burda A Seriyası klublarının azarkeşlərinin olduğunu da qeyd edib. İtalyan mütəxəssis müsahibəsində Azərbaycan millisinin DÇ-2022-dəki şanslarından da söz açıb:

“Azərbaycanda İtaliya futbolu çox populyardır. Bir çox azarkeşlər bizim klublara dəstək olur. Tanıdığım insanlardan “Milan”, “Yuventus”, “İnter” və “Roma”ya azarkeşlik edənlər var.

DÇ-2022-də çətin qrupdayıq. Lakin 4-cü yer məni qane etmir. Zəif olduğumuz düşüncəsini yox etməyə çalışmalıyıq. Bütün imkanlarımızı sərf edəcəyik. Bütün imkanlardan yararlanmaqla oynamaq əzmində və intellektli komanda olduğumuzu göstərmək istədiyimizə çox inanıram”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qarabağ”ın bir dəfə Quzanlıda oynamasına qarşı deyiləm” – Abdolbari Goozal

admin

Fransa millimizi darmadağın etdi

admin

“Liverpul”dan möhtəşəm nəticə – İngiltərə nəhəngi FİNALDA

admin