Bu gün Azərbaycan Premyer Liqasının 23-cü turu çərçivəsində “Neftçi” doğma meydanda “İnter”i 2:1 hesabı ilə məğlub edib.
İdmanxeber.com-un məlumatına görə, matçdan sonra keçirilən mətbuat konfransında “İnter”in baş məşqçisi Zaur Svanadze jurnalistlərin suallarını cavablandırıb:
– “Neftçi”ni 80 illiyi münasibətilə və qələbə qazanması münasibətilə təbrik edirəm. İlk hissə “Neftçi”nin üstünlüyü ilə keçdi. İkinci hissədə daha güclü oynasaq da, qalib gələ bilmədik. Fikrimcə, oyun heç-heçə bitməli idi. Amma nə etmək olar.
– Komandanın məğlub olma səbəbi nədədir?
– Sadəcə, bəxtimiz gətirmədi. Bəxt bu gün “Neftçi”nin tərəfində idi.
– Hücumlarda sanki nəsə çatışmır. Bunun səbəbi nədədir?
– Bunun texniki səhv olduğunu düşünmürəm. Son iki ildə bu sistemdə oynayırıq. Səhvlərimiz olurdu. Ötürmələrdə dəqiqlik çatışmırdı. Ehtiyatda elə də çox oyunçumuz yoxdur. “Neftçi” yeni ildən sonra daha yaxşı təsir bağışlayır.
– Səlahət Ağayevin qapıda olmaması oyuna təsir etdimi?
– Aydındır ki, Səlahət komandanın 1 nömrəli qapıçısıdır. Sadəcə, şans məsələsidir.
– N.Ələsgərov “Qarabağ”dan “Neftçi”yə keçdikdə komandalar arasında centilmensayağı razılaşma oldu. Bəs Ruslan Abışov “Neftçi”yə keçdikdə belə bir razılaşma oldumu?
– Yox, belə bir razılaşma olmadı. Çünki Ruslan “Neftçi”yə Antalyada olarkən keçdi. Bu səbəbdən belə bir razılaşma olmadı.