Bir müddətdir ki, mətbuatda Zinədin Zidanın yeni mövsümdə də "Real" futbol klubunda məşqçi kimi qalacağı barədə xəbərlər dolaşır.
İdmanxeber.com-un məlumatına görə, fransalı idman ustası bu xəbərləri təkzib edib.
Zidan deyib: "Mən futbol klubunun rəhbərliyi ilə bu məsələni müzakirə etməmişəm. Bütün gücümü və diqqətimi gündəlik işimə yönəltmişəm".
Fransalı mütəxəssis 2016-cı ildən Madrid klubu ilə əməkdaşlıq edir. Hazırda "Real" klubu İspaniya çempionatının lideridir. Onu üç xal fərqlə "Barselona" klubu təqib edir.