Kateqoriyasız

“Zirə” və “Keşlə”yə güzəşt

AFFA-nın Apellyasiya Arbitraj Tribunalının iclası keçirilib.

Yığıncaqda “Zirə” və “Keşlə”nin müraciəti ilə bağlı qərar qəbul olunub.

“Zirə” tərəfindən verlmiş apellyasiya şikayəti qismən təmin edilib. X turun “Sumqayıt”la görüşündə qəsəbə təmsilçisi oyunun AFFA nümayəndəsini və hakim-inspektorunu tələb olunan yerlə təmin etmədiyinə görə 800 manat cərimə olunmuşdu. Bu qərar qüvvədə saxlanılıb. Ancaq ikinci hissə ev sahibləri üzündən 2 dəqiqə gec başladığına görə klubun 2400 manat cərimə olunması qərarı ləğv olunub.

“Keşlə”nin şikayəti də qismən təmin edilib. XII turun “Zirə” ilə matçının 60-cı dəqiqəsində Sezar Meza Kollinin aqressiv davranışa görə cəzalandırıldığı oyun sayı 1-ə endirilməklə qalan 2 qarşılaşmada cəzadan şərti olaraq azad edilib.

“Transfer pəncərəsi” dövrü istisna olmaqla mövsümün növbəti üç ayı ərzində futbolçu qırmızı vərəqə ilə nəticələnəcək eyni əməllərə təkrar yol verəcəyi halda cəzadan şərti olaraq azad etmə ləğv ediləcək, indiki cəzanın çəkilməmiş iki oyunluq kənarlaşdırılma hissəsi yeni qərar üzrə təyin olunmuş cəzanın üzərinə əlavə olunacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Belə vəziyyətdə fasilənin yaranması…” – Qurban Qurbanov

admin

Mahir Emrelinin mənzilini qarət edənlər saxlanılıb

admin

Çexiya klubu azərbaycanlı futbolçu ilə müqavilə imzaladı

admin