Ölkəmizi Avropa Liqasında təmsil edəcək “Zirə” avrokuboklarda keçirəcəyi matçlarda rəqiblərini hansı stadionda qəbul edəcəyi dəqiqləşib.
Klubdan İdmanxeber.az-a bildirilib ki, qəsəbə təmsilçisi arvokuboklarda ev matçlarını “Liv Bona Dea Arena”da keçirəcək.
“Qartallar” 2021/2022 mövsümündə iştirak etdiyi Konfrans Liqasında da ev matçlarını keçirmək üçün məhz bu arenanı UEFA-ya sifariş etmişdi.
Komanda Avropa Liqasına 1-ci mərhələdən başlayacaq. “Zirə”nin rəqibin adına iyunun 18-də keçiriləcək püşkatmada aydınlıq gələcək.
Rəşad Sadıqovun komandası ilk matçını iyulun 11-i, cavab görüşünü isə iyulun 18-də keçirəcək.