Türkiyəli məşhur futbol məşqçisi Yılmaz Vuralın “Qafqazinfo”ya müsahibəsi
– Yılmaz Vuralın Azərbaycan futbolu haqqında düşüncəsi necədir?
– Sizin Liqanı izləyirəm.Çempionatınızla çox oynanılır. Misal üçün keçən il 12 klubla keçirilən çempionat, bu mövsümdən etibarən 10 komanda ilə keçirilir. Komandalar öz aralarında 4 dəfə qarşılaşacaqlar. Məlum məsələdir ki, Azərbaycan 9 milyonluq bir ölkədir. Buna görə də ola bilər ki, üst səviyyədə olan, profesional komanda yoxdur. Bu gedişatlar da çempionatın keyfiyyətini artırmaq məqsədi güdə bilər. Ancaq bu liqanın səviyyəsinin qaldırılması yolunda daha çox işlər də görülməlidir. Aşağı yaş qrupunda olan futbol komandalarına xüsusi diqqət yetirmək lazımdır. Çünki əsas heyət üçün və ya milli komanda üçün məhz klublarda özünü yaxşı tərəfdən göstərən futbolçular seçilir. Çempionatınızda bir çox legioner futbolçular da var. Ancaq yerli futbolçuların sayını artırmaq lazımdır ki, beynəlxalq turnirlərdə milli komanda daha uğurlu çıxış etsin. Biz Türkiyədə də bunun davasını edirik. Bilirsiz, artıq bu ildən bizim klublara 6 legionerlə oynamağa icazə verilib. Ya gərək klubların uğurunu, ya da milli komandanın uğurunu düşünək və ona uyğun hərəkət edək. Çünki ikisi bir arada olmur.Əgər klubları fikirləşsək, bunu etmək daha asan olar. 11 xarici futbolçu alıb istənilən komandanı məğlub edə bilərsən. Ancaq bu ölkəni məmnum etmir,yalnız klub azarkeşlərini sevindirir. Sizdə də görüdüyüm qədəri ilə bir doğru yolu tapmaq üçün əmək sərf olunur.
– Bakıya səfərinizdən 1-2 gün öncə mətbuatda belə bir xəbər yayıldı ki, Yılmaz Vural Azərbaycan milli komandasına baş məşqçi gəlir. Bu barədə nə deyə bilərsiniz?
– Təbii ki, bu düzgün məlumat deyil. Çünki mən bura hörmətli millət vəkili Adil Əliyevin dəvəti ilə gəlmişəm O, mənə dedi ki, Bakıda, allah rəhmət etsin Heydər Əliyevin 90 illik yubileyinə və İlham Əliyevin 9 oktyabrda keçiriləcək prezident seçkisi ilə əlaqədar olaraq bir tədbir təşkil edirik. Beynəlxalq kikboksinq yarışı keçirəcəyik. Buna görə də sizi də dəvət edirik. Mən də məmnuniyyətlə gələrəm dedim. Ona görə də əvvəlcədən belə xəbər yayıldı ki, Yılmaz Vural Azərbaycan milli komandasına baş məşqçi gedir. Hətta Türkiyədə də dostlarım, bir çox tanışlarım mənə zəng etdilər və hətta bəziləri təbrik də etdi ki, Azərbaycanı millisini çalışdiracaqsan. Ancaq bu düzgün deyil . Mən bura sırf bu kikboksinq yarışını izləmək üçün oğlumla gəlmişəm. İnşallah həftənin ikinci günü də Türkiyəyə qayıdacam.
– Bəs, əgər Bakıda olduğunuz müddətdə bizim futbol federasiyamızdan belə bir təklif gəlsə, necə qarşılıyarsınız?
-Hər şeydən öncə bu məni sevindirər. Burda çalışmaqdan şərəf duyaram. Azərbaycan və Türkiyə milli komandaları xarici məşqçilərlə irəli gedə bilməz. Biz duyğusal insanlarıq bir-birimizə çox bənzəyirik. Kökümüz, soyumuz eynidir. Buna görə də istərdik ki, Azərbaycan milli komandasının başında yerli məşqçi olsun. Çünki futbolçuları tanıması, başa düşməsi baxımından daha asndır, yerli mütəxəssislə çalışmaq. Berti Fots pis məşçqi deyil ancaq Azərbaycanda uğursuz oldu. Və görünən odur ki,il sonunda müqaviləsi başa çatır ola bilər ki, ayrılsın. Artıq Azərbaycanın yeni Avropa çempionatına hazırlaşması lazımdır. Təbii ki Avropa ölkələri ilə mübarizə aparmaq asan deyil. Bu baxımdan Türkiyə də Azərbaycan da avropalılardan geridə qalır. Ancaq bu geriliyi aradan qaldırmaq üçün hər bir imkanlarımız var. Yetər ki, işi bilən insanlarla çalışılsın.
İqbal