“Xəzər Lənkəran”ın məşqçi korpusuna yeni mütəxəssis cəlb olunub.
Klubun rəsmi saytına istinadən verdiyimiz məlumata görə, İtaliyalı Ciovanni Melkiorreni komandanın fiziki hazırlıq üzrə məşqçisi vəzifəsinə təyin olunub. 51 yaşlı Melkiorre “Xəzər Lənkəran”da tanış simadır. Belə ki, italiyan məşqçi 2011-ci ildə komandamızda çalışıb. Melkiyorrenin işlədiyi klubların siyahısında Türkiyənin “Qalatasaray”, Rumıniyanın “Astra Ciurciu” və “Petrolul Ploeşti” klubları var. Mütəxəssisisin son iş yeri isə digər rumın klubu “ÇFR Kluj” olub.
Ciovanni Melkiyorre ilə “Xəzər Lənkəran” arasında 2 illik müqavilə bağlanıb.