Azərbaycan Premyer Liqasının 5-ci turunun qarşıdan gələn “İnter” – “Simurq” görüşü hər iki komanda üçün sayca 19-cu olacaq.
“İnter”in rəsmi saytına istinadən xəbər veririk ki, bunadək komandalar bir-birilə 18 dəfə qarşılaşıb, 16 oyun çempionat çərçivəsində keçirilib və 2 matçi sə ölkə kubokunun payına düşür. “İnter” rəqibini 14 dəfə məğlub edə bilib, “Simurq” isə ancaq 3 qələbəyə malikdir. 18 oyunun 1-i heç-heçə ilə başa çatmışdı. Vurulan topların fərqi “İnter”in xeyrinədir -31:10.
Komanda O Q H M Toplar
“İnter” 18 14 1 3 31-10
“Simurq” 18 3 1 14 10-31
Komandalar ilk dəfə 2006-cı ilin avqustayında çempionat çərçivəsində üz-üzə gəlib. “Şəfa” stadionuna baş tutmuş həmin görüş 2:0 hesabıyla “İnter”in xeyrinə başa çatmışdı.
Ötən mövsümdə komandalar bir-birilə dörd dəfə qarşılaşıblar. Dörd oyunun ikisi “İnter”in rəqibini qələbəsilə başa çatıb. Digər iki oyunda isə “Simurq” qələbəyə sevinib. “Şəfa” stadionunda keçirilmiş iki matçda komanda rəqibi 1:0 və 5:0 hesabıyla üstələdi, Zaqatalada keçirilən görüşdə isə “Simurq” daha üstün olmuşdu- 1:0 və 1:0. “İnter” – “Simurq” oyunlarında ən populyar hesablar 2:0 və 1:0-dır. Belə nəticələr 18 görüşün hərəyə 6 dəfə olmağla 12-də qeydə alınıb. “İnter” – “Simurq” qarşılaşmaların tarixində ən böyükhesablı nəticə 3:4 hesabıdır. 2008-cı ildə komanda “Simurq”u məhz bu hesabla udmuşdu. Ən böyükhesablı qələbəyə isə komanda elə ötən mövsümdə imza atıb-5:0.
Bunadək komandaların keçirdiyi oyunların cədvəlini sizin diqqətinizə çatdırırıq:
Mövsüm Oyun Hesab
2006/07 “İnter”-“Simurq” 2:0
2006/07 “Simurq”-“İnter” 1:2
2007/08 “İnter”-“Simurq” 2:0
2007/08 “Simurq”-“İnter” 3:4
2008/09 “Simurq”-“İnter” 0:2
2008/09 “İnter”-“Simurq”(K) 2:0
2008/09 “Simurq”-“İnter””(K) 2:1
2008/09 “İnter”-“Simurq” 1:0
2009/10 “Simurq”-“İnter” 1:1
2009/10 “İnter”-“Simurq” 2:1
2010/11 “Simurq”-“İnter” 0:1
2010/11 “İnter”-“Simurq” 2:0
2011/12 “İnter”-“Simurq” 1:0
2011/12 “Simurq”-“İnter” 0:2
2012/13 “İnter”-“Simurq” 1:0
2012/13 “Simurq”-“İnter” 1:0
2012/13 “İnter”-“Simurq” 5:0
2012/13 “Simurq”-“İnter” 1:0
Azərbaycan çempionatında “Simurq”a qarşı keçirilən ev oyunlarında “İnter” böyük üstünlüyə malikdir. Belə ki, 8 qarşılaşmanın hamısında komanda rəqibini məğlub etməyi bacarıb. Bu matçlarda top fərqi “İnter”in xeyrinədir-12:1.
Qeyd edək ki, “İnter” – “Simurq” matçı sentyabrın 1-də keçiriləcək. Oyun saat 20.00-da başlayacaq.