“Xəzər Lənkəran” və “Bakı”nın sabiq futbolçusu Junior Osvaldo yenidən Premyer Liqamızda çıxış edə bilər.
Futbolçu hazırda AZAL-ın düşərgəsindədir. Baş məşqçi Vaqif Sadıqov futbolçunu yoxlayır. Osvaldo özünü yaxşı tərəfdən göstərə bilsə, onunla müqavilə imzalanacaq.
Qeyd edək ki, Junior 2009/10 mövsümündə “Xəzər Lənkəran”da (21 oyun, 2 qol), 2010/11 mövsümündə “Bakı”da (14 oyun, 1 qol) çıxış edib. 31 yaşlı yarımmüdafiəçi ölkəmizdən ayrıldıqdan sonra Braziliyanın aşağı liqa klublarında – “Votuporanguense”, “Araksa”, “Marilia” və “Ferroviaria”da çıxış edib.