Futbol üzrə ABŞ millisinin baş məşqçisi Yurgen Klinsman Azərbaycan yığmasının çalışdırıcısı Berti Foqtsun onun xüsusi məsləhətçisi təyin olunmasına münasibət bildirib.
İdmanxeber.com-un məlumatına görə, Klinsman Foqtsla bağlı bunları deyib:
“Berti Foqts məsləhətçi kimi bizə qoşulduğu üçün çox şadıq. Onun həm futbolçu, həm də məşqçi kimi bilik və təcrübəsi çox zəngindi. Yüksək nailiyyət əldə etmək üçün nəyin lazım olduğunu yaxşı bilir.
Foqts 1990-cı illərdə mənim məşqçim olub və onunla çox yaxşı münasibətlərimiz var. Öz növbəsində Foqts Şotlandiya, Nigeriya və Azərbaycan yığmalarını çalışdırdığı dönəmlərdə dünya çempionatındakı rəqiblərimizlə yaxşı tanışdı”.
Dünya çempionatının G qrupunda qərarlaşan ABŞ millisi Almaniya, Portuqaliya və Qana yığmaları ilə mübarizə aparacaq.