“Xəzər Lənkəran” Futbol Klubunun baş məşqçisi postuna Oğuz Çetin təyin olundu.
İdmanxeber.com-un klubun rəsmi saytına istinadən verdiyi məlumata görə, ötən ilin dekabrından etibarən Mustafa Dənizlinin köməkçisi vəzifəsində çalışan Çetin, çempionatın son 4 turunun oyunlarına komandanı baş məşqçi əvəzi qismində çıxarmışdı.
“Fənərbağça”, “Erciyesspor”, “Genclerbirliyi” və “Diyarbakırspor” klublarını çalışdırmış Oğuz Çetin 5 il müddətində Türkiyə milli komandasının məşqçilər korpusunda yer alıb. “Xəzər Lənkəran”a gəlişindən öncə işlədiyi son klub “Boluspor” olub.