Beyləqan şəhər stadionunda əsaslı təmir və yenidənqurma işləri aparılıb.
İdmanxeber.com-un məlumatına görə, işlər daxili imkanlar hesabına görülüb.
Stadion binası daxilində futbolla yanaşı, basketbol, voleybol, mini-futbol meydanları da salınıb. Futbol meydanında 3 min yerlik üstüörtülü tribuna, qonaq lojası qurulub. Komandanın istirahəti üçün şərait yaradılıb. Bundan başqa, rezin tipli zolaqlı qaçış cığırı, fitnes qurğuları quraşdırılıb, uzunluğa və hündürlüyə tullanma zonası yaradılıb. Stadion yaxın günlərdə idmansevərlərin istifadəsinə veriləcək.