"Bu yazıları artıq bir ildir oxuyuruq, ancaq fakt odur ki, bizim təlim-məşq bazası fəaliyyət göstərir və işçilər də öz iş yerlərindədi.Təbii ki, maddi sıxıntılarımız var. Ancaq onlar da öz həllini tapacaq. Biz Hafiz müəllimin bizim kluba etdiyi xeyir işləri həmişə yüksək dəyərləndiririk və onu müvəqqəti sıxıntılara görə də qınaya bilmərik. İnşallah komanda toplanışa hazırlaşır, yeni mövsümün hazırlıqları davam edir".
Bu sözləri idmanxeber.com-a açıqlamaında "Bakı"nın mətbuat xidmətinin rəhbəri İsgəndər İsgəndərov deyib.
Klub rəsmisi "Bakı"nın dağılacağı ilə bağlı xəbərləri yalanlayaraq, Rauf Əliyev, Əfran İsmayılov kimi futbolçuların aqibətlərinə yaxın günlərdə aydınlıq gələcəyini bildirib:
"Hal-hazirda Rauf, Əfran və Cavid məşqlərə gəlmirlər. Bunu maddi sıxıntı ilə izah edirlər. Ancaq qalan oyunçularımız legionerlər daxil hamızı məşqlərdə iştirak edirlər. Yaxın günlərdə bu futbolçuların taleyi ilə bağlı qərar veriləcək. "Bakı"da qalmaq istəməyəni güclə saxlamayacağıq".