“Qarabağ” Avstriyada təlim-məşq toplanışını davam etdirir.
İdmanxeber.com-un klubun saytına istinadən yaydığı xəbərə görə, iyulun 4-də “Viktoriya” (Plzen) ilə qarşılaşan Qurban Qurbanovun komandası dünən axşam bir məşqlə kifayətlənib. Bu gün səhər saatlarında komanda fitneskluba yollanaraq məşq prosesinə start verib.
“Qarabağ”ın axşam məşqi yerli vaxtla 18:00-da baş tutacaq.
Avstriyada keçirdiyi təlim-məşq toplanışı çərçivəsində 4 yoxlama oyununa çıxan Ağdam təmsilçisi sonuncu hazırlıq matçına iyulun 8-də yerli vaxtla 18:00-da (Bakı vaxtı ilə saat 21:00)çıxacaq. Rəqib Almaniyanın aşağı liqa təmsilçisi “Zonnenhof Qrossaşpax” klubudur.