UEFA Çempionlar Liqasının III təsnifat mərhələsinin cavab oyunu çərçivəsində keçiriləcək “Zalsburq” – “Qarabağ” matçının hakimləri müəyyənləşib.
İdmanxeber.com-un məlumatına görə, avqustun 6-da “Red Bull Arena”da baş tutacaq görüşü şotlandiyalı hakimlər briqadası idarə edəcək.
Avstriyada keçiriləcək matçın baş hakimi Robert Madden olacaq. Qraham Çambers və Alastair Mazer isə yan xətt hakimləri olacaq.. Dördüncü hakim funksiyasını isə Brian Kolvin yerinə yetirəcək.
Qeyd edək ki, avqustun 6-da Avstriyada keçiriləcək “Zalsburq” – “Qarabağ” oyunu Bakı vaxtı ilə saat 23:30-da başlayacaq.