Avro-2016-nın seçmə mərhələsi çərçivəsində sentyabrın 9-da, saat 21:00-da, “Bakcell Arena”da keçiriləcək Azərbaycan – Bolqarıstan oyunu üçün akkreditasiya almaq istəyən KİV nümayəndələri sentyabrın 1-dək qeydiyyatdan keçməlidirlər.
İdmanxeber.com-un məlumatına görə, qeydiyyatdan keçmək üçün tələb olunanlar:
1. Qeydiyyatdan keçənin adı, soyadı
2. Təmsil etdiyi KİV
3. Vəzifəsi
4. 3×4 ölçüdə, elektron formatda şəkil
Yuxarıda qeyd olunanlar 1 sentyabr saat 18:00-a qədər [email protected] ünvanına göndərilməlidir. Müraciət edənlər qeydiyyat üçün tələb olunanların hər birini təqdim etdikdən və [email protected] ünvanından müvafiq təsdiq cavabı aldıqdan sonra qeydiyyatdan keçmiş hesab olunacaqlar.
Qeyd: Müvafiq qaydada qeydiyyata alınmış KİV nümayəndələrinə akkreditasiya vəsiqələrinin verilmə tarixi ilə bağlı saytımızda məlumat yerləşdiriləcək.