“Məncə, əvvəlki “Partizan” daha yaxşı idi. O vaxt fərdi planda yaxşı oyunçular az deyildi. Mənə elə gəlir ki, bizi öz oyunumuz daha çox düşündürməlidir”.
İdmanxeber.com-un məlumatına görə, bu sözləri “Neftçi”nin hücumçusu Nikolas Kanales deyib.
Çilili futbolçu “Partizan”la matç öncəsi verdiyi açıqlamada fiziki baxımdan hər hansı bir probleminin olmadığını bildirib:
“Artıq 2 həftədir ki, məşqlərə başlamışam. Yavaş-yavaş formaya düşürəm. Fiziki baxımından problemim yoxdur. Oyun praktikamı artırmalıyam. “Partizan”la cavab matçında hər şey özümüzdən asılıdır. Əsas məsələ qol buraxmamaqdır. Bizim qol vurmaq baxımından problemimiz yoxdur. “Neftçi” hər oyunda qol vurur”.