Topaz Premyer Liqasının X turunda “Neftçi” səfərdə “Bakı”nı 3-1 hesabı ilə məğlub etdi.
İdmanxeber.com-un məlumatına görə, oyundan sonra keçirilən mətbuat konfransında “Neftçi”nin baş məşqçisi Arif Əsədov qələbəni belə şərh edib:
“Oyundan qabaq futbolçularıma tapşırmışdım ki, hər bir komandaya ciddi yanaşsınlar. Bundan öncəki turda AZAL meydançaya rahat çıxmışdı. Bundan istifadə edən “Bakı” qələbə qazanmışdı. Odur ki, oyunda diqqətli olmalı idik. 3-1 hesabı ilə qələbə qazansaq da, oyun çətin keçdi. Buna baxmayaraq, 3 xal qazana bildik. Oyunçularımı, azarkeşləri təbrik edirəm”.