“Qarabağ” kifayət qədər yaxşı komandadır, onlar indi öz meydanlarında oynayacaqlar. Yəqin ki, onların məqsədi qələbə qazanmaq olacaq. Lakin bizim də gedəsi yerimiz yoxdur. Bu mənada oyunun gərgin keçəcəyini düşünürəm”.
İdmanxeber.com-un məlumatına görə, bu sözləri “Dnepr”in baş məşqçisi Miron Markeviç Bakı səfəri öncəsi ukraynalı jurnalistlərin suallarını cavablandırarkən deyib.
Təcrübəli mütəxəssis komandanın liderlərindən Bakıdakı qarşılaşmada daha yaxşı oyun gözləyir:
“İlk öncə öz oyunumuzu nümayiş etdirməliyik. Təəssüf ki, Avropa Liqasında bizdən gözlənilən oyunu sərgiləyə bilmirik. Bu, əsasdır. Komandanın liderləri bacarıqlarını ortaya qoymalıdırlar.