Avropa Liqasının III təsnifat mərhələsinin cavab görüşləri çərçivəsində keçiriləcək “Qəbələ” – “Apollon” matçına biletlərin satışa çıxacağı vaxt məlum olub.
İdmanxeber.com-un məlumatına görə, “Bakcell Arena”da baş tutacaq oyun üçün biletlərin avqustun 3-də satışa çıxarılması gözlənilir. Qarşılaşma üçün 10200 ədəd bilet sifariş olunub. Qiymətlər isə 1, 2, 5 və 10 manat arasında dəyişir.
Qeyd edək ki, cavab qarşılaşması avqustun 6-da, saat 21:00-da baş tutacaq.