Bu həftə Azərbaycan Premyer Liqasında 5-ci turun oyunları keçiriləcək. “CBC Sport” telekanalı “Kəpəz” – “Qarabağ” matçının canlı yayımlanması üçün PFL-ə müraciət etmişdi. Lakin qarşı tərəf kanalın təklifinə rədd cavabı verib.
İdmanxeber.com-un məlumatına görə, bu barədə kanal rəsmi “facebook” səhifəsində məlumat yayıb:
“Kəpəz” – “Qarabağ” qarşılaşmasının canlı yayımlanması üçün danışıqlar aparıldı. Lakin PFL təqvimdə dəyişiklik edə bilmədiyindən məhz bu oyunları canlı verəsi olduq. “Kəpəz” – “Qarabağ” matçının yayımlanmaması ilə bağlı iradlarınızı xahiş edirik ki, Peşəkar Futbol Liqasına ünvanlayasınız.”
Qeyd edək ki, həftəsonu bu matçları “CBC Sport” telekanalı canlı yayımlayacaq:
19 sentyabr
AZAL – “İnter”
“Dalğa Arena”. Saat 21:00
20 sentyabr
“Neftçi” – “Xəzər Lənkəran”
“Bakcell Arena”. Saat 21:00
21 sentyabr
“Qəbələ” – “Sumqayıt”
Qəbələ şəhər stadionu. Saat 21:00