Dortmund “Borussiya”sının baş məşqçisi Tomas Tuhel Avropa Liqasının qrup mərhələsində qarşılaşacaqları “Qəbələ” ilə oyun haqda danışıb.
İdmanxeber.com-un məlumatına görə, mütəxəssis “Qəbələ” ilə oyunun komandası üçün önəmli olduğunu bildirib:
“Şalke” ilə derbi oyunu səbirsizliklə gözləyirik. Ancaq bundan öncə Avropa Liqasında “Qəbələ” ilə çox önəmli matçımız var. Bu görüşdə qələbə qazanmaqla qrupdan çıxmağı təmin etmək istəyirik. Bütünlüklə bu oyuna köklənəcəyik”.
Qeyd edək ki, noyabrın 5-də keçiriləcək “Borussiya” – “Qəbələ” oyunu Bakı vaxtı ilə saat 22:00-da başlayacaq.