"Zirə"nin baş məşqçisi Adil Şükürov Azərbaycan Premyer Liqasının 17-ci turunda "Qəbələ"yə 1:0 hesabı ilə qalib gəldikləri matçdan sonra fikirlərini bildirib.
İdmanxeber.com-un PFL-in saytına istinadən yaydığı xəbərə görə, o, çempionatın lider komandalarından birinə qarşı oynadıqlarını deyib:
“Qəbələ” yarışın güclü iştirakçısıdır. “Qəbələ”nin oyunlarını izləmişdik. Düzdür, rəqibimiz son oyunlarda xallar itirib, bütün bunlara baxmayaraq, “Qəbələ”nin gücü göz önündədir".
O, futbolçularının oyun ərzində verilən tapşırıqları yerinə yetirdiklərini və qələbə qazandıqlatını bildirib:
“Qəbələ” oyunboyu hücum etməyi sevir, biz isə ikinci hissədə cinahları işə saldıq. Bizim 30 nəfərdən ibarət futbolçu heyətimiz var, daima dəyişikliklər edirik. Odur ki, hələ yeni futbolçu barədə düşünmürük. Amma istənilən komandaya daha güclü oynaması üçün daha güclü oyunçular lazımdır”.