Topaz Premyer Liqasının 20-ci turunda keçirilən “Kəpəz” – AZAL oyununun (2:0) ardından Bakıya qayıdan Gəncə klubunun futbolçuları dünən bərpaedici hazırlıqdan sonra istirahətə buraxılıb.
İdmanxeber.com-un klubun rəsmi saytına istinadən verdiyi məlumata görə, komanda məşqlərə sabah start verəcək.
Çempionatın 21-ci turunda evdə “Qarabağ”la qarşılaşacaq “sarı-göylər” məşqləri “Dalğa Arena”da keçəcək. Fevralın 12-nə kimi bu stadionda hazırlaşacaq “Kəpəz” ayın 13-də Gəncəyə qayıdacaq.
Hazırlıq planına əsasən Ağdam təmsilçinə qarşı oyunun son məşqi matçın keçiriləcəyi Gəncə şəhər stadionuna təyin olunub.