Türkiyənin “Trabzonspor” klubu əsas heyətinə düşməkdə çətinlik çəkən legionerləri – Ramil Şeydayev və Serge Akpopo üçün yeni komanda tapıb.
İdmanxeber.com-un məlumatına görə, Qara dəniz təmsilçisi legioner limiti dolduğuna görə hər iki futbolçunu icarəyə verməəyi düşünür. Heyətində 13 əcnəbi futbolçu olan “bordo mavilər” Şeydayev və Akpoponu I liqada mübarizə aparan “Trabzon 1461” klubuna təklif edib. Futbolçular buna razılıq versələr, mövsümün qalan hissəsini I liqa təmsilçisində keçirəcəklər.
Xatırladaq ki, “Trabzonspor” Ramil Şeydayevi daha öncə “Samsunspor”a təklif etsə də, Samsun təmsilçisi bu təklifdən imtina etmişdi.