“Sumqayıt” dövrələrarası fasilədə ikinci transferini rəsmiləşdirib.
İdmanxeber.com-un məlumatına görə, “gənclik şəhəri” təmsilçisi Elnur Abdullayevdən sonra Nicat Qurbanovla müqavilə imzalayıb. “Zirə”nin sabiq üzvü yeni komandası ilə 1,5 illik sözləşməyə qol çəkib. Nicat “Sumqayıt”da 17 nömrəli forma ilə çıxış edəcək.
Qeyd edək ki, Qurbanov karyerası ərzində “Zirə”dən başqa, “Simurq”, “Neftçi”, AZAL və “Kəpəz”in şərəfini qoruyub.