“Sabah”ın uğursuz çıxışı davam edir
Paytaxt təmsilçisinin son dönəmlərdəki uğursuz çıxışı diqqətlərdən yayınmır. Aşağı-yuxarı hər tur hücumçu problemindən danışan Elşad Əhmədovun ən böyük problemi öz həllini tapmır ki, tapmır. Rəhbərliyin Elşad Əhmədovun bu istəyinə biganə qalması ağıllara bir çox sualı da bərabərində gətirir.
Əldə etdiyimiz məlumata görə, “Sabah” rəhbərliyi Elşad Əhmədovla uzun müddətli çalışmaq niyyətində deyil. Hər fürsətdə bu ilki hədəflərinin elitada qalmaq olduğunu bildirən klub rəsmilərinin bu istəkləri aşağı-yuxarı həyata keçib. Elə bu səbəbdən onlar artıq Elşad Əhmədovun klubdakı işinin yekunlaşdığını düşünürlər. Təsadüfü deyil ki, klub rəhbərliyi baş məşqçinin transfer istəklərinə biganə qalaraq onun müəyyən mesajı vermək istəyir.