“Arsenal”ın baş məşqçisi Mikel Arteta “Mançester Siti”yə qarşı alınan məğlubiyyətdən (1:3) danışıb.
İdmanxeber.az-ın məlumatına görə, ispaniyalı mütəxəssis adi vəziyyətdən qollar buraxdıqlarını açıqlayıb. O, komandasının daha yaxşı oynamalı olduğunu da vurğulayıb:
“Çox məyusuq, çünki məğlub olduq. İnanılmaz oyun idi, üç aşkar qol şansımız olsa da, istifadə edə bilmədik. “Mançester Siti”ni məğlub etmək üçün onlardan daha yaxşı oynamalısan. Rəqibin ustalıq səviyyəsini nəzərə alsaq, bu heç də asan deyil. Ancaq biz onlarla başa-baş mübarizə aparırdıq, bəzən daha yaxşı çıxış edirdik. Etiraf edək ki, “Mançester Siti” imkanlardan istifadə edə bildi. 3 qol buraxdığımızı nəzərə almasaq, stadionda ab-hava çox yaxşı idi. Rəqib dünyanın ən yaxşı komandasıdır. Bu səviyyə gəlmək üçün futbolçulardan nə tələb edəcəyimi bilmirəm. Biz də onların səviyyəsində oyun sərgilədik. Qalib gəlmək üçün daha yaxşısı lazımdır”.
İki komanda 51 xala sahib olsa da, “Mançester Siti” Premyer Liqada 1-ci yerdədir. “Arsenal”ın isə ehtiyatda daha bir oyunu var.