UEFA Çempionlar Liqası III təsnifat mərhələsində “Qarabağ” Bolqarıstanın “Ludoqorets” klubuna məğlub olub (1:2). Ağdam təmsilçisi Bakıdakı görüşdə rəqibinə uduzaraq növbəti mərhələ şansını təhlükəyə atıb.
Komandanmız oyun ərzində bir neçə əlverişli imkan əldə etsə də, onlardan yararlana bilməyib. Matçdakı yeganə qolumuzu Olavio Juninyo vurub. Braziliyalı həm də “Qarabağ”ın ən yaxşı futbolçusu seçilib. Onun çıxışına 7,1 xal verilib.
“Ludoqorets”ə qarşı ən zəif təsir bağışlayan oyunçumuz isə Bəhlul Mustafazadə olub. Mütəxəssislər onun performansını 5,9 olaraq qiymətləndirib. Bu göstəriciylə millimizin müdafiəçisi “Qarabağ”ın heyətində ən aşağı qiymət alan futbolçu olub.
Bolqarıstan təmsilçisinin heyətində isə ən yaxşı çıxış edən oyunçu Henndrik Bonmanndır. Qapıçı 7,3 xalla görüşün ən yüksək qiymət alan futbolçusu seçilib.
İdmanxeber.az