“Boka Xuniors”un müdafiəçisi Aaron Anselmino “Çelsi”yə keçib.
İdmanxeber.az xəbər verir ki, bu barədə İngiltərə klubunun mətbuat xidməti məlumat yayıb. 19 yaşlı argentinalı ilə 7 illik müqavilə imzalanıb.
Qeyd olunur ki, Aaron Anselmino 2024/25 mövsümünü icarə əsasında “Boka Xuniors”da keçirəcək. “Transfermarkt”ın məlumatına görə, təzminat məbləği 16,5 milyon avro təşkil edib.
“Boka Xuniors”un əsas heyətində “Çelsi”nin yeni futbolçusu 10 oyun keçirib və 1 qol vurub.