FIFA referimiz UEFA Çempionlar Liqasının oyunlarına təyinat alıb
İdmanxeber.az-ın məlumatına görə, Azərbaycanın futzal üzrə FIFA referisi Əli Cəbrayılov UEFA-dan təyinat alıb.
O, Çempionlar Liqasının ilkin mərhələsində B qrupunun oyunlarında ədaləti qoruyacaq.
Cəbrayılov avqustun 21-də gerçəkləşəcək “Fiorentino” (San Marino) – “Amiqo Northwest” (Bolqarıstan) matçında birinci hakim olacaq.
Beynəlxalq dərəcəli hakim bir gün sonra “Fiorentino” (San Marino) – “Minerva” (İsveçrə) görüşündə üçüncü, “Amiqo Northwest” (Bolqarıstan) – “Pro Futsal Cymru” (Uels) qarşılaşmasında ikinci hakim funksiyasını yerinə yetirəcək.