“İlk oyundan sonra fikrim təsdiqlənir. Qətiyyətlə deyə bilərəm ki, “Qarabağ” beynəlxalq təcrübəyə malik komandadır”.
İdmanxeber.az-ın məlumatına görə, bu sözləri “Ludoqorets”in baş məşqçisi Georgi Dermenciyev UEFA Çempionlar Liqasının 3-cü təsnifat mərhələsinin “Qarabağ”la cavab matçı üçün keçirilən mətbuat konfransında deyib. O, daha sonra belə davam edib:
“Futbolçuları “Qarabağ”ın oyunu ilə tanış etmişəm. Onlar heç nəyə görə narahat olmurlar və həqiqətən də hər oyunda qol vururlar. Biz geniş heyəti olan bir komandayıq. Sabah Bernard Tekbetek oynamayacaq. Çox ağır zədə alıb. “Qarabağ” çox yaxşı təşkilatlanmış Avropa komandasıdır”.
Qeyd edək ki, “Ludoqorets” – “Qarabağ” qarşılaşması sabah Bakı vaxtilə saat 22:00-da start götürəcək.