3×3 basketbol üzrə Azərbaycan millisi Dünya Qadın Seriyasının Bakı mərhələsində ilk oyununa çıxıb.
İdmanxeber.az-ın məlumatına görə, yığmamız qərarlaşdığı C qrupundakı ilk oyununu keçirib. Millimizin rəqibi Almaniyanın “Düsseldorf ZOOS” komandası olub.
Qarşılaşma yığmamızın məğlubiyyəti ilə bitib – 8:21.
Ratomir Deliçin yetirmələri bu gün həm də Ukrayna millisi ilə qarşılaşacaq.
Dörd qrupun hər birində ilk iki yeri tutanlar 1/4 finala yüksələcək.
Qeyd edək ki, Bakı mərhələsi avqustun 18-də başa çatacaq.