“Sumqayıt”dakı maliyyə problemi klubda ciddi narazılıqlara səbəb olub. Akademiyada çalışan məşqçilər və texniki işçilərin davamlı maaşlarının gecikməsi klub daxilində əsl xaos yaradıb.
Belə ki, onsuzda az məbləğdə əmək haqqı alan bu şəxslər artıq bezdiklərini bildiriblər. Onlar uzun müddətdir maaşlarını vaxtdında ala bilmədikləri üçün təngə gəlib. Bir neçə dəfə “Sumqayıt”ın prezidenti Riad Rəfiyevlə bu problem müzakirə edilsə də, heç cür həllini tapmır.
Klub rəhbəri hər dəfə bu halın təkrarlanmayacağını bildirsə də, problemin öhdəsindən gəlmir və ya gələ bilmir. Akademiyada çalışan işçilərdən biri saytımıza bildirib ki, Rəfiyevin bu məsələdəki laqeydliyi artıq hamını bezdirib. Problemin əsas səbəbinin klub rəhbərinin bu məsələni ciddiyə almaması olduğu vurğulanıb.
Özlərinin maddi sıxıntısı olmayan rəhbərliyin aşağı məbləğdə maaş alan işçiləri düşünməməsi, maaşların hər ay gecikməsi akademiyakı iş prossesinə də ciddi təsir edir.
Artıq məqşçilərdən bir neçəsi mövcud durumla bağlı klub rəhbəri Riad Rəfiyevə ciddi narazılıq bildirməyə hazırlaşır.
Klubun mətbuat xidmətinin rəhbəri Zaur Xudiyev saytımıza açıqlamasında məsələylə bağlı bunları dedi:
“Maaşların gecikməsi ilə bağlı hansısa bir məlumatım yoxdur”.
İdmanxeber.az